ಯುನೆಸ್ಕೋ ವಿಶ್ವ ಪರಂಪರೆಯ ಪಟ್ಟಿಗೆ ಭಾರತದ 6 ಹೊಸ ತಾಣಗಳು ಸೇರ್ಪಡೆ

ಸೇರ್ಪಡಿಸಲಾದ 6 ತಾಣಗಳು:

1. ಛತ್ತೀಸ್‍ಗಢದ ಕಂಗರ್ ಕಣಿವೆ ರಾಷ್ಟ್ರೀಯ ಉದ್ಯಾನ:

ಈ ಪ್ರದೇಶವು ನೈಸರ್ಗಿಕ ಸೌಂದರ್ಯ ಮತ್ತು ಸಮೃದ್ಧ ಜೀವವೈವಿಧ್ಯದಿಂದ ಪ್ರಸಿದ್ಧವಾಗಿದೆ.

ಇಲ್ಲಿ ಹಲವಾರು ಗುಹೆಗಳು, ನದಿಗಳು ಹಾಗೂ ಅಪರೂಪದ ಜೀವರಾಶಿಗಳನ್ನು ಕಾಣಬಹುದು.

2. ತೆಲಂಗಾಣದ ಮುದುಮಾಲ್ ಮೆಗಾಲಿಥಿಕ್ ಮೆದಿರ್:

ಪ್ರಾಚೀನ ಮೆಗಾಲಿಥಿಕ್ ಸಮಾಧಿ ತಾಣಗಳ ಶ್ರೇಣಿಯಾಗಿದೆ.

ಇದು ಸುಮಾರು ಸಾವಿರಾರು ವರ್ಷಗಳ ಹಿಂದಿನ ಇತಿಹಾಸವನ್ನು ತಿಳಿಸುವ ಕುರುಹುಗಳಾಗಿವೆ.

3. ಮೌರ್ಯರ ಕಾಲದ ಅಶೋಕನ ಶಾಸನ ತಾಣ:

ಚಕ್ರವರ್ತಿ ಅಶೋಕನ ಕಾಲದ ಪ್ರಮುಖ ಶಾಸನಗಳು ಒಳಗೊಂಡ ತಾಣಗಳ ಸರಣಿ.

ಬೌದ್ಧ ಧರ್ಮದ ಪ್ರಸಾರ ಹಾಗೂ ಮೌರ್ಯ ಸಾಮ್ರಾಜ್ಯದ ಆಡಳಿತಶೈಲಿಯನ್ನು ಈ ಶಾಸನಗಳು ವಿವರಿಸುತ್ತವೆ.

4. ಚೌಸತ್ ಯೋಗಿನಿ ದೇವಾಲಯಗಳ ಸರಣಿ:

64 ಯೋಗಿನಿಯ ದೇವಾಲಯಗಳ ಈ ಸರಣಿಯು ಹಿಂದೂ ಧರ್ಮದ ತಾಂತ್ರಿಕ ಕಥೆಗಳನ್ನು ಪ್ರತಿನಿಧಿಸುತ್ತದೆ.

ಈ ದೇವಾಲಯಗಳು ಪ್ರಾಚೀನ ಭಾರತೀಯ ಶಿಲ್ಪಕಲೆಗೆ ಉತ್ತಮ ಉದಾಹರಣೆಗಳಾಗಿವೆ.

5. ಉತ್ತರ ಭಾರತದ ಗುಪ್ತ ದೇವಾಲಯಗಳು:

ಗುಪ್ತ ಸಾಮ್ರಾಜ್ಯದ ಕಾಲದಲ್ಲಿ ನಿರ್ಮಿತ ಈ ದೇವಾಲಯಗಳು ಭಾರತೀಯ ವಾಸ್ತುಶಿಲ್ಪದ ಪ್ರಾರಂಭಿಕ ಹಂತವನ್ನು ತೋರಿಸುತ್ತವೆ.

ಈ ದೇವಾಲಯಗಳಲ್ಲಿ ಗಣಪತಿ, ವಿಷ್ಣು ಹಾಗೂ ಶಿವನ ಪ್ರತಿಮೆಗಳನ್ನು ಕಾಣಬಹುದು.

6. ಮಧ್ಯಪ್ರದೇಶ ಮತ್ತು ಉತ್ತರ ಪ್ರದೇಶದ ಬುಂದೇಲರ ಅರಮನೆ ಹಾಗೂ ಕೋಟೆಗಳು:

ಬುಂದೇಲಾ ರಾಜವಂಶದ ಕಾಲದಲ್ಲಿ ನಿರ್ಮಿಸಲಾದ ಕೋಟೆಗಳು ಮತ್ತು ಅರಮನೆಗಳು ಪ್ರಾಚೀನ ಭಾರತೀಯ ಕಲೆ, ವಾಸ್ತುಶಿಲ್ಪ ಮತ್ತು ರಾಜಕೀಯ ಪರಂಪರೆಯನ್ನು ಪ್ರತಿಬಿಂಬಿಸುತ್ತವೆ.

ಈ ಕೋಟೆಗಳು ಮತ್ತು ಅರಮನೆಗಳು 16ನೇ ಹಾಗೂ 17ನೇ ಶತಮಾನದ ಬುಂದೇಲ ವಾಸ್ತುಶಿಲ್ಪದ ಅದ್ಭುತ ಉದಾಹರಣೆಗಳಾಗಿವೆ.

ಭಾರತದ ಐತಿಹಾಸಿಕ ಕೀರ್ತಿ ಮತ್ತಷ್ಟು ಬೆಳಕಿಗೆ

ಈ 6 ತಾಣಗಳನ್ನು ಯುನೆಸ್ಕೋ ತಾತ್ಕಾಲಿಕ ಪಟ್ಟಿಗೆ ಸೇರಿಸಿರುವುದು ಭಾರತದಲ್ಲಿ ಇರುವ ಐತಿಹಾಸಿಕ, ವಾಸ್ತುಶಿಲ್ಪ, ಧಾರ್ಮಿಕ ಮತ್ತು ನೈಸರ್ಗಿಕ ಸಂಪತ್ತಿಗೆ ಅಂತರರಾಷ್ಟ್ರೀಯ ಮಾನ್ಯತೆ ಸಿಗುತ್ತಿದೆ. ಈ ಪಟ್ಟಿಯಿಂದ ಮುಂದೆ ಈ ತಾಣಗಳು ಯುನೆಸ್ಕೋ ವಿಶ್ವ ಪರಂಪರೆ ಪಟ್ಟಿಯ ಶಾಶ್ವತ ಸ್ಥಾನವನ್ನು ಪಡೆಯಲು ಸಾಧ್ಯತೆ ಹೆಚ್ಚಾಗಿದೆ. ಇದು ಪ್ರವಾಸೋದ್ಯಮಕ್ಕೆ ಉತ್ತೇಜನ ನೀಡುವುದರ ಜೊತೆಗೆ, ಇತಿಹಾಸ ಮತ್ತು ಸಂಸ್ಕೃತಿಯನ್ನು ಸಂರಕ್ಷಿಸಲು ಹೆಚ್ಚಿನ ಅವಕಾಶವನ್ನು ಒದಗಿಸುತ್ತದೆ.